X Encontro de Enxeñería Civil. Galicia-Norte de Portugal

A transformación da mobilidade urbana é un aspecto fundamental nas nosas cidades, que afecta o espazo público e á saúde dos nosos cidadáns. Nas dúas últimas décadas especialmente, leváronse a cabo actuacións nas cidades da Eurorrexión de Galicia-Norte de Portugal, que son as que podemos poñer aquí como exemplo. Estes Encontros serven para poñer de manifesto experiencias comúns, que de forma alternativa facemos cada dous anos, ben en Galicia ou no Norte de Portugal.

​

Sabemos das consecuencias para a saúde que ten o tráfico urbano, tanto en termos de contaminación atmosférica, como en termos de ruídos, presenza visual etc. Sabemos das consecuencias que, para o espazo público, ten ir gañando espazo para os peóns, a cambio do aumento das beirarrúas, a peonalización de determinadas rúas ou a dotación de espazos verdes, antes ocupados polo tráfico.

​

A nuevo lei de cambio climático prevé zonas de emisións cero e plans de mobilidade sostibles. Este é un escenario de presente e de futuro no que queremos estar, tanto a Ordem dos Engenheiros do Norte de Portugal, como o Colexio de Enxeñeiros de Camiños, Canais e Portos en Galicia.